FULLKONTAKT VƏ ŞİNKYOKUŞİN KARATE ÜZRƏ ÖLKƏ BİRİNCİLİYİ VƏ ÇEMPİONATI

Azərbaycan Karate Federasiyası (AKF) Azərbaycan Respublikasının Gənclər və İdman Nazirliyi ilə əməkdaşlıq etməklə, Sizi karatenin kyokuşin üslubu üzrə uşaqlar, yeniyetmələr və gənclər arasında keçiriləcək ölkə birinciliyində, eləcə də böyüklər arasında keçiriləcək ölkə çempionatında iştirak etməyə dəvət edir.

Yarışlarda Respublikanın müxtəlif şəhər və rayonlarında ölkəmizdə bu üslub üzrə qeydiyyatdan keçmiş UGİM, İK və idman kollektivlərinin idmançıları iştirak edə bilərlər.

Yarışda iştirak edəcək komandaların heyətinə məhdudiyyət qoyulmur.

Yarış kumite üzrə Dünya Fullkontakt Karate Təşkilatı və Dünya Karate Təşkilatı (WFKO-WKO) qaydalarına əsasən ŞOBU İPPON xal sistemi (iki vaza-ari və ya bir ippon - təmiz qələbə) və Olimpiya sistemi (məğlub olan idmançı yarışı tərk edir) üzrə keçirilir.

Yarışlarda çəki dərəcələri üzrə I, II və III yerləri qazanmış idmançılar Azərbaycan Respublikasının Gənclər və İdman Nazirliyi tərəfindən müvafiq olaraq diplom və medallarla mükafatlandırılacaqlar (Medal -132 ədəd, Diplom – 132 ədəd).

AKF-nin məşqçilik lizenziyası olan məşqçilər qeydiyyatdan keçə bilərlər (Azərbaycan məşqçi-müəllimlərinə şamil olunur).